-
Skaftfell Listamiðstöð
Skaftfell listamiðstöð er myndlistarmiðstöð Austurlands, þar sem innlendri og erlendri nútímalist eru gerð skil. Miðstöðin er til húsa í gömlu timburhúsi frá 1907 og þar má finna sýningarými, listabókasafn, skrifstofu, fundarherbergi, gestaíbúð og veitingastaðinn Skaftfell Bistró. Skaftfell hýsir reglulega listafólk víðs vegar að, bæði til að vinna að fyrirfram ákveðnum þemum og sem vinna sjálfstætt. Listafólkið hefur aðgang að Prentverk Seyðisfjörður, prentverki sem rekið er af samvinnuhópi nokkurrra listahópa á staðnum.
-
Jessica Auer: Heiðin
15. apríl – 8. júní, 2024 Sýningin samanstendur af nýlegum ljósmyndum og vídeóverkum eftir kanadíska ljósmyndarann Jessicu Auer sem búsett er á Seyðisfirði. „Heiðin“ er yfirstandandi verkefni sem kannar sögu og þróun vegs 93, hæsta fjallvegar á Íslandi og einu landleiðina til og frá Seyðisfirði. Á veturna er vegurinn lokaður dögum saman og einangrar íbúa frá vistum og restinni af samfélaginu. Þessi einstaki lífsmáti, einangraður og ótryggur, er í róttækum breytingum þar sem 13 kílómetra jarðgöng munu brátt leysa Fjarðarheiði af hólmi. „Heiðin“ skrásetur þessa mikilvægu breytingu í gegnum mismunandi miðla; kvikmyndun, ljósmyndun og frásagnir frá undanförnum árum.
-
Skaftfell Bistró
Skaftfell Bistró er á jarðhæð listamiðstöðvarinnar Skaftfells, Austurvegi 42 á Seyðisfirði. Veitingahúsið býður upp á frumlegan matseðil með hefðbundnum íslenskum mat með nýstárlegum snúningi. Hluti af staðnum er helgaður svissnesk-þýska listamanninum Dieter Roth (1930-1998) sem bjó og starfaði á Seyðisfirði af og til síðustu æviár sín. Auk verka eftir Roth prýða veitingahúsið myndir eftir núlifandi austfirskt listafólk. http://skaftfellbistro.is